काठमाडौं-लगातार दुई दिन स्थिर रहेको सुनको मूल्य सोमबार घटेको छ । 

नेपाल सुनचाँदी व्यवसायी महासंघका अनुसार आज सुनको मूल्य  तोलामा ३०० रुपैयाँले घटेको हो। योसँगै प्रतितोला सुनको मूल्य ९७ हजार ५०० रुपैयाँ र  तेजावी सुनको मूल्य ९७ हजार रुपैयाँ कायम भएको छ। 

हिजो आइतबार सुनको मूल्य स्थिर रहेको थियो। यो दिन प्रतितोला सुन ९७ हजार ८०० रुपैयाँ र तेजाबी सुन मूल्य ९७ हजार ३०० रुपैयाँमा किनबेच भएको थियो।

आज चाँदीको मूल्य तोलामा १० रुपैयाँले घटेर १ हजार २८५ रुपैयाँ भएको छ। हिजो आइतबार मूल्य स्थिर रहँदै चाँदी १ हजार २९५ रुपैयाँमा कारोबार भएको थियो।