एजेन्सी - अमेरिकी राष्ट्रपति जो वाइडेनले आकासिएको कच्चा तेलको मूल्य नियन्त्रण गर्न प्रतिदिन १० लाख ब्यारल रिलिज गर्ने भएका छन् ।

बाइडेनको यो कदमले अन्तर्राष्ट्रिय बजारमा ५ डलर प्रति ब्यारलले तेलको मूल्यमा कमी आएको छ ।हप्ताको सुरुवातमा करिब १२० डलर प्रति ब्यारलमा कारोबार गरेको ब्रेन्ट क्रुडले आज १०८.५८ डलर प्रति ब्यारलमा कारोबार गरिरहेको छ ।

यसैगरी साताको सुरुवातमा डलर प्रति ब्यारलमा कारोबार गरिरहेको वेष्ट टेक्सास इन्टरमिडियट (डब्लुटी आइ) ले आज १०२.७४ डलर प्रति ब्यारलमा कारोबार गरेको छ ।

बाइडेनले आज पेट्रोलियम पदार्थको मूल्य वृद्धि कसरी घटाउन सकिन्छ भन्ने रणनीतिको बारेमा प्रस्ट पार्ने छन् । रुस–युक्रेन युद्धका कारण आकासिएको कच्चा तेलको मूल्यमा अहिले ३ प्रतिशतले गिरावट आएको छ ।

मार्च महिनाको सुरुवातमा बाइडेन प्रशासनले ३० मिलियन ब्यारल रिलिज गर्ने बताएको थियो । विभिन्न देशहरुले बढ्दो कच्चा तेलको मूल्य नियन्त्रण गर्न ६० मिलियन ब्यारल प्रति दिन रिलिज गर्ने सम्झौता गरेका छन् ।