काठमाडौं - आज साताको पहिलो दिन आइतबार नेपाली बजारमा सुनको मूल्यमा बढेको छ । गत शुक्रबार प्रतितोला ८९ हजार ७०० रुपैयाँमा कारोबार भएको सुनको मूल्य आज प्रतितोला ९० हजार ७०० रुपैयाँमा कारोबार हुने नेपाल सुनचाँदी व्यावसायी महासङ्घले जनाएको छ । 

गत शुक्रबारको तुलनामा आज आइतबार सुनको मूल्य प्रतितोला एक हजार रुपैयाँले बढेको हो । महासङ्घका अनुसार आज तेजाबी सुनको मूल्य प्रतितोला ९० हजार २०० रहेको छ । यस्तै चाँदीको मूल्य पनि बढेको छ ।  

गत शुक्रबार प्रतितोला १ हजार १८५ रुपैयाँमा कारोबार भएको चाँदी आज २० रुपैयाँले बढेर १ हजार २०५ रुपैयाँमा कारोबार हुने महासङ्घले जनाएको छ ।