काठमाडौं - आजबाट प्रभु बैंकले एक लाख बढी कित्ता संस्थापक सेयरको बिक्रीमा ल्याएको छ । बैंकका संस्थापक सेयरधनीहरुले आफ्नो नाममा रहेको १ लाख १२ हजार २२४ कित्ता संस्थापक सेयर बिक्रीका लागि बैंकले निवेदन दिएपछि बैंकले उक्त सेयर बिक्रीमा ल्याएको हो । 

सेयरमा हाल बैंकका विद्यमान संस्थापक सेयरधनीले मात्र आवेदन दिन सक्नेछन् । सेयरको भाउ प्रतिकित्ता न्यूनतम १८० रुपैयाँ तोकिएको छ । यसअनुसार प्रतिस्पर्धी मूल्यमा खरिद आवेदन दिन सकिनेछ ।

सेयर खरिद गर्न इच्छुक संस्थापक सेयरधनीले आजको ३५ दिनभित्र बैंकको केन्द्रीय कार्यालय बबरमहल, काठमाडौंमा निवेदन पेश गर्न सक्नेछन् । 

सो समयभित्र विद्यमान संस्थापक सेयरधनीबाट सेयर खरीदको निवेदन नआएमा वा सबै सेयर बिक्री नभएको खण्डमा भने प्रचलित कानुन बमोजिम दोस्रो चरणमा बैंकले अन्य सर्वसाधारण लगानीकर्तालाई सेयर बिक्री गर्नेछ ।