एजेन्सी - भारतको पुँजीबजार नियामक सेक्युरिटी एक्सचेन्ज बोर्ड अफ इन्डिया (सेबी)ले भने बजारको नियम उल्लंघन गरेको आरोपमा ८ वटा कम्पनीलाई ५१ लाख रुपैयाँ जरिवाना गरेको छ । 

सेबीका अनुसार इजेक्टा मार्केटिङ लिमिटेडको मामलामा गलत र जालसाजीपूर्ण ट्रेडिङ अभ्यासका लागि ती कम्पनीलाई कुल भारु ५१ लाख जरिवाना गरिएको  छ। सेबीले ती कम्पनीलाई भारु २ लाखदेखि १० लाखसम्म जरिवाना लगाएको छ । 

आईसीआईसीआई सेक्युरिटीजबाट आएको गुनासोपछि सेबीले ती ८ कम्पनीलाई ५१ लाख रुपैयाँ जरिवाना लगाएको हो । जरिवाना तिर्ने कम्पनीमा मयुर महेश्वरी पञ्चाल, जय कमलेशभाई भावसार, हितेशभाइ मिस्त्री, भन्साली मूल्य निर्माण, फास्टनर मेसिनरी डिलर्स प्रालि, भविष्य ई–कमर्स प्रालि, प्रार्थना इन्फ्रास्ट्रक्चर लिमिटेड र पटेल मलय शैलेशभाइ छन् ।  

सेबीलाई यस विषयमा आईसीआईसीआई सेक्युरिटीजबाट गुनासो आएको थियो । आईसीआईसीआई सेक्युरिटीजले इजेक्टा मार्केटिङ लिमिटेडको सेयर किन्न सल्लाह दिने गरी केही एसएमएस पठाइएको आरोप लगाएको थियो ।

पछि सेबीले डिसेम्बर २०१७ र फेब्रअुरी २०१८ बीच इजेक्टा मार्केटिङको सेयरमा भएको कारोबारको अनुसन्धान गर्यो। पञ्चाल, भावसार र मिस्त्रीले फास्टनर मेसिनरी, भविष्य ई–कमर्स, प्रवेश इन्फ्रास्ट्रक्चर र शैलेशभाइसँग मिलेर एउटा ठोस रणनीति अपनाइरहेको अनुसन्धानले देखाएको छ ।