काठमाडौं - लाभांश पारित गर्न कुमारी क्यापिटल लिमिटेडले वार्षिक साधारण सभा बोलाएको छ । कम्पनीको साउन २५ गते बसेको सञ्चालक समितिको बैठकले गरेको निर्णय अनुसार छैठौँ वार्षिक साधारण सभा भदौ २० गतेका लागि बोलाएको हो । 

सभा कुमारी बैंक टंगाल, काठमाडौँमा दिनको ३ बजेदेखि सुरु हुनेछ । सभामा कम्पनीको सञ्चालक समितिको बैठकले गत आर्थिक वर्षको मुनाफाबाट कम्पनीका शेयरधनीहरूलाई चुक्ता पूँजीको ५ प्रतिशत लाभांश ९कर सहित० वितरण गर्ने प्रस्ताव पारित गरिनेछ ।

यसैगरी, सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७८/७९ को वार्षिक प्रतिवेदनबारे छलफल गरी पारित गरिनेछ । 

त्यस्तै, कम्पनीको आर्थिक वर्ष २०७८/७९ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ । 

सभामा आर्थिक वर्ष २०७९/८० को लागि लेखापरीक्षक नियुक्ति गरी पारिश्रमिक पनि तोकिनेछ ।