एजेन्सी - बैंक अफ इङ्गल्याण्डले बिहीबार बढ्दो मुद्रास्फीतिलाई नियन्त्रण गर्नका लागि ब्याजदरमा लगातार पाँचौं पटक वृद्धिको निर्णय गरेको छ ।

मौद्रिक नीति समितिले बैंकदरलाई २५ आधार बिन्दुले १.२५ प्रतिशतमा पुर्‍याउने पक्षमा ६–३ मत दिएको छ भने तीन असहमत सदस्यले ५० आधार बिन्दुले १.५ प्रतिशतमा वृद्धि गर्ने पक्षमा मतदान गरेका छन् ।

पाँचौपटकको ब्याजदर वृद्धिको यो घोषणालगत्तै डलरको विरुद्धमा पाउण्डको भाउ घटेको थियो । तर, मध्य दिउँसोसम्म भने पुनः बढ्यो ।

नीति निर्माताहरूले सुस्त बृद्धि र द्रुत रूपमा अवमूल्यन भइरहेको मुद्राको पृष्ठभूमिमा उपभोक्ता मूल्यहरूलाई नियन्त्रणमा ल्याउने अपरिहार्य कार्यको सामनाको कोशिश गरिरहेका छन् । यूकेले जीवन संकटको ठूलो लागत अहिले सामना गरिरहेको छ।

बैंकले मे को बैठकबाट आफ्नो आधारदरलाई २५ आधार विन्दूले बढाएर १ प्रतिशत पुर्याएको थियो । यो दर १३ वर्षकै उच्च थियो । बैंकले चेतावनी दिंदै त्यसबेलै भनिसकेको थियो कि बेलायती अर्थव्यवस्थामा मन्दीको संकट आउनसक्छ । 

त्यसबेलादेखि, ताजा तथ्याङ्कले देखाएको छ कि यूके मुद्रास्फीति अप्रिलमा वार्षिक रूपमा ९ प्रतिशतले बढेको थियो, जुन ४० वर्ष यताकै उच्च वृद्धि हो । किनभने खाद्य र ऊर्जाको मूल्य बढ्यो ।

बैंकले अक्टोबरमा मुद्रास्फिति अझै बढेर ११ प्रतिशतसम्म पुग्नसक्ने विशलेषण गरेको छ ।