काठमाडौं-  बजेटलगत्तै नेपाल राष्ट्रबैंकले मौद्रिक नीतिको निर्माणको तयारी थालेको छ । 

आगामी आर्थिक वर्षको बजेटले लिएको ८ प्रतिशत वृद्धिदरको लक्ष्य र मुद्रास्फिति ७ प्रतिशतको सीमाभित्र राख्ने उद्देश्यलाई सपोर्ट हुने गरी नेपाल राष्ट्रबैंकले मौद्रिक नीति बनाउनुपर्ने हुन्छ । 

मंगलबार एक सूचना प्रकाशित गरी केन्द्रीय बैंकले मौद्रिक नीतिका लागि आफ्ना सुझाव पठाउन आह्वान गरेको छ । 

राष्ट्रबैंकको अनुसन्धान विभागको इमेल mयलभतबचथउयष्अिथ२लचद।यचन।लउ वा बालुवाटारस्थित ठेगानामा पुग्ने गरी सुझाव पठाउन सकिने सूचनामा उल्लेख छ । 

सामान्यतया सरकारले प्रस्तुत गर्ने बजेटले लिएको मौद्रिक लक्ष्यहरु पूरा गर्ने गरी केन्द्रीय बैंकले मौद्रिक नीति बनाउने गर्छ । प्रत्येक वर्ष बजेटपछि मौद्रिक नीति ल्याइन्छ । 

यसपटकको मौद्रिक नीतिबाट शेयर बजारका लगानीकर्ताहरुले पनि विशेष अपेक्षा राखेका छन् । शेयर कर्जामा लागेको ४ र १२ करोडको क्याप हट्नेमा धेरै आशावादी देखिन्छन् ।