काठमाडौँ- जोर्डनको एक कम्पनीले भारी सङ्ख्यामा नेपाली कामदारको माग गरेको छ । सहाब सहरमा रहेको mas kreeda al safi कम्पनीले ५० जना पुरुष र २५० जना महिला गरी जम्मा ३०० जना नेपाली कामदारको माग गरेको हो । 

न्यूनतम योग्यता सम्बन्धित काममा दक्ष हुनु पर्ने छ । कामदारले हप्तामा ६ दिन र दैनिक ८ घण्टा काम गर्नु पर्ने छ । करार अवधि २ वर्षे रहेको छ । कम्पनीको नियमअनुसार कामदारले वार्षिक बिदा पनि पाउने छन् ।

कामदारले खान बस्नेतसहित तलब ३७ हजार बढि पाउनेछ । इच्छुक कामदारले एस सि सि मेनपावर कम्पनी प्रालिको कार्यालय कपन काठमाडौंमा बैशाख ३० गते अन्तरवार्ता दिनु पर्ने छ ।

स्वदेशमा हुने मेडिकलको खर्च, स्वदेशमा हुने जीवन बिमा र भिसा स्ट्याम्पीङ शुल्क, हवाई टिकट, भिसा शुल्क, विदेशमा हुने बिमा शुल्क र विदेशमा गरिने मेडिकल खर्च रोजगार दाताले बेहोर्ने छ ।