काठमाडौंँ– नेपाल कम्युनिस्ट पार्टी (नेकपा) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले भेनेजुयला र त्यहाँका जनतामाथि भएको अमेरिका र पक्ष राष्ट्रहरूको हस्तक्षेपको निन्दा गरेका छन् । 

पार्टीकातर्फबाट शुक्रबार एक विज्ञप्ति जारी गर्दै अध्यक्ष प्रचण्डले यस्तो निन्दा गरेका हुन् । 
भेनेजुयलाका राष्ट्रपति निकोलस मडुरो लोकतान्त्रिक तरिकाले राष्ट्रपतिमा निर्वाचित भएको स्पष्ट गर्दै उनको पक्षमा ऐक्यवद्धता जनाउन पनि विश्व समुदायलाई आग्रह गरेका छन् । 
भेनेजुयला र त्यहाँका नागरिकको आन्तरिक मामिलामा हस्तक्षेप गरी शान्ति, सार्वभौमिकता र त्यहाँको लोकतन्त्रलाई चुनौती दिने काम भएको भन्दै त्यसो नगर्न पनि उनले आग्रह गरेको आजको गोरखापत्र दैनिकमा खबर छापिएको छ ।