पछिल्लो २४ घण्टामा नेपालमा १५८ जनामा कोरोना भाइरसको सङ्क्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा ६ हजार ५०४  जनामा कोरोना परीक्षण गर्दा उक्त संख्या बराबरमा संक्रमण पुष्टि भएको हो । 

यस्तै पछिल्लो २४ घण्टामा ३५४ जना निको भएका छन् । योसंगै मुलुकभर कोरोना मुक्त हुनेको संख्या ९ लाख ५७ हजार १६७ पुगेको छ । 

यही अवधिमा २ जना सङ्क्रमितको ज्यान गएको छ । योसहित नेपालमा कोरोना सङ्क्रमणका कारण अहिलेसम्म ११ हजार ९ सय ३८ जनाको ज्यान गएको छ ।

नेपालमा अहिले ७ हजार ९ सय ७१ जना कोरोना भाइरसका सक्रिय सङ्क्रमित रहेका छन् । 

यस्तै, पछिल्लो २४ घण्टामा १ लाख ८ हजार १४० जनाले कोरोनाविरुद्धको खोप लगाएका मन्त्रालयले जनाएको छ ।