नेकपा माओवादी केन्द्रले  एमसीसीलाई सर्वदलीय÷सर्वपक्षीय सहमतिपछि मात्रैअघि बढाउने पनि जनाएको छ ।

आज बस्ने संसद बैठकअघि सिंहदरबारस्थित दलको कार्यालयमा बसेको माओवादीको संसदीय दलको बैठकमा अध्यक्ष प्रचण्डले यस्तो बताएका हुन् ।

बैठकमा सांसदहरुले एमसीसीबारे जिज्ञासा राखेको र जवाफमा प्रचण्डले सर्वदलीय सर्वपक्षीय सहमतिपछि मात्रै अघि बढ्ने बताएको एक साँसदले बताए । 

संसदको गतिरोध हटाउन सर्वदलीय बैठक आह्वान गर्न पहल गर्ने निर्णय गरेको माओवादीका एक सांसदले बताए ।

प्रमुख प्रतिपक्षी नेकपा एमालेले अघिल्लो अधिवेशनको पूरै अवधि संसदको कामकारबाहीमा भाग लिएको थिएन । आफूले कारबाही गरेका माधव नेपालसहितका १४ जना सांसदलाई पदबाट हटाइएको सूचना टाँस गर्नुपर्ने माग राखेर एमालेले संसदमा विरोध जनाउँदै आएको छ ।

बैठकले प्रचण्डकै नेतृत्वमा २१ सदस्यीय संसदीय बोर्ड पनि गठन गरेको छ ।