काठमाडौं - साउदीको एक कम्पनीले नेपाली कामदारको माग गरेको छ । साउदीको रियाद सहरमा रहेको ewan human resources company कम्पनीले जेनेरल पब्लिक ड्राइभरका लागि २५ जना र ट्रक ड्राइभरका लागि २५ गरि जम्मा ५० जना नेपाली पुरुष कामदारको माग गरेको हो । 

न्यूनतम योग्यता सम्बन्धित काममा दक्ष हुनु पर्ने छ । कामदारले हप्तामा ६ दिन र दैनिक ८ घण्टा काम गर्नु पर्ने छ । करार अवधि २ वर्षे रहेको छ । कम्पनीको नियमअनुसार कामदारले वार्षिक बिदा पनि पाउने छन् ।

कामदारले तलब खान बस्न सहित ४४ हजार माथिदेखि ५६ हजार माथि पाउनेछन् । इच्छुक कामदारले मिराकल इम्प्लोइमेन्ट सर्भिस प्रालिको कार्यालय बालुवाटार काठमाडौंमा मंसिर ३ गते अन्तरवार्ता दिनु पर्ने छ । 

स्वदेशमा हुने जीवन बिमा, स्वदेशमा हुने मेडिकलको खर्च, भिसा स्ट्याम्पीङ शुल्क, विदेशमा हुने बिमा शुल्क, विदेशमा गरिने मेडिकल खर्च, हवाई टिकट र भिसा शुल्क रोजगारदाता कम्पनीले बेहोर्ने छ ।