नेकपा एमाले प्रदेश १ संसदीय दलको नेतामा भीम आचार्य चयन भएका छन् । बिहीबार विराटनगरमा बसेको संसदीय दलको बैठकले आचार्यलाई दलको नेता चयन गरेको हो ।

मुख्यमन्त्री तथा संसदीय दलका नेता शेरधन राईको प्रस्तावमा आचार्य दलको नेतामा चयन भएको मुख्यमन्त्री राईका प्रेस सल्लाहकार ध्रुव सुवेदीले जानकारी दिए ।

आचार्यलाई आजै मुख्यमन्त्रीको रुपमा सपथग्रहण गराउने तयारी छ । प्रदेश प्रमुखको कार्यालयले बिहीबार दिउँसो मुख्यमन्त्रीको सपथग्रहण गराउने तयारी गरेको छ ।

यस्तै प्रदेश नं १ का मुख्यमन्त्री बन्ने तयारीमा रहेका भिम प्रसाद आचार्यका भाइ  मृत फेला परेका छन् ।
 भिमका भाई राम प्रसाद आचार्य आफ्नै कोठामा मृत भेटिएका हुन् 

ढोकाको चुकुल लगाएर सुतिरहेको अबस्थामा उनको शब भेटिएको जिल्ला प्रहरी कार्यालय सुनसरीले जनाएको छ ।

 घरमा उनी पत्नीको साथमा बस्ने गरेका थिए ।  प्रहरीले  घटनाबारे अनुसन्धान भइरहेको जनाएको छ ।