ओमानमा हुने त्रिकोणात्मक एकदिवसिय क्रिकेट सिरिज अगाडी नेपाली क्रिकेट टिमले पपुवा न्युगिनीसँग दुई वटा मैत्रीपुर्ण खेल खेल्ने भएको छ । 

नेपाल क्रिकेट संघ  (क्यान)ले  त्रिकोणात्मकसिरिज अगाडी सेप्टेम्बर ५ र ८ मा दुई वटा मैत्रीपुर्ण खेल्ने पक्का गरेको हो । 

यो सिरिजपछि नेपालले आइसीसी विश्वकप क्रिकेट लिग टु अन्तर्गत अमेरीका र ओमानसँग सिरिज खेल्नेछ । जुन सेप्टेम्बरको १३ देखि २० सम्म हुने तालिका छ ।  

त्यसको केहि दिनमा ओमानले लिग–२ अन्तर्गत स्कटल्यान्ड र पपुवा न्युगिनीसँग खेल्ने तालिका छ । यो सिरिज सेप्टेम्बर २५ देखि अक्टोबर २ सम्म हुनेछ।

उक्त सिरिज खेल्ने ओमान पुगेको पिएनजीसँग नेपालले दुई खेलको सिरिज खेल्न भएको हो । पीएनजी पनि तयारीका लागि केहि समय अगाडी आउने भएकाले त्यहि अवसरमा नेपालले एकदिवसिय सिरिज खेल्न लागेको हो ।

जसमा सेप्टेम्बर ५ मा हुने पहिलो खेल दिउँसो हुनेछ भने सेप्टेम्बर ८ मा हुने दोस्रो खेल डे नाइट हुनेछ । 

ओमान सिरिजका लागि नेपाली टिम अहिले तयारीमा रहेको छ । पीएनजीसँगको सिरिजका कारण नेपाली टिम एक साता अगाडी ओमान जाने भएको छ । 

आइसीसी विश्वकप क्रिकेट लिग टु अन्तर्गत नेपालले अहिलेसम्म चार खेल खेलेको छ । जसमा दुईमा जीत र दुई हार ब्यहोरेको छ ।