काठमाडौं, साताको पहिलो दिन (आइतबार) नेप्सेमा पाँच कम्पनीको शेयरमुल्यमा उच्च वृद्धि भएको छ ।

कारोबार सुरु भएको करिब डेढ घण्टामा दुई कम्पनीको शेयरमुल्य १० प्रतिशतले बढेको छ भने बाँकी तीन कम्पनीको शेयरमुल्य ९ प्रतिशत भन्दा बढीले वृद्धि भएको छ ।

अपि पावर कम्पनी र जीवन विकास लघुवित्तको शेयरमुल्य १० प्रतिशतले वृद्धि भएको छ ।  अपि पावरको शेयरमुल्य प्रतिकित्ता रु. ६०७ र जीवन विकास लघुवित्तको शेयरमुल्य रु. १ हजार ६५६ पुगेको छ । 

यस्तै,युनियन लाइफ इन्स्योरेन्स र ङादी ग्रुप पावरको शेयरमुल्य ९.९९ प्रतिशतले वृद्धि भएको छ भने नेपाल फाइनान्सको शेयरमुल्य ९.९२ प्रतिशतले बढेको हो ।

युनियन लाइफ इन्स्योरेन्सको शेयरमुल्य प्रतिकित्ता रु.५३०, ङादी ग्रुप पावरको रु.१ हजार ६५ र नेपाल फाइनान्सको रु.७९२ पुगेको छ ।