काठमाडौं - पाँच रुपैया जरिवाना नतिरी फरार रहेका दुई जनालाई पक्राउ परेका छन्  । उनीहरुलाई बर्दिया प्रहरीले पक्राउ गरेको हो । 

सर्वोच्च अदालतको २०६९ साल पुष २६ गतेको जालसाजी मुद्धाको फैसलाअनुसार तोकिएको ५ रुपैया जरिवाना नतिरि उनीहरु फरार रहेका थिए । 

दुईजनालाई पक्राउ गरी बर्दिया जिल्ल अदालतमा बुझाइएको जिल्ला प्रहरी कार्यालय बर्दियाले जनाएको छ । अदालतको फैसला आदेशअनुसारको थोरै जरिवाना रकमसमेत नतिरी फरार रहेकालाई अदालतमा बुझाएको बताइएको छ ।

रुपन्देही अदालतको मिति २०७० साल असार ४ गतेको फैसला आदेशले सम्बन्ध विच्छेद मुद्धामा १ सय २५ रुपैयाँ जरिवाना तोकिएका १ जना व्यक्ति पक्राउ परेका छन् ।