कोरोना संक्रमण तिब्र गतीमा बढ्न थालेपछी दाङमा लकडाउन हुने भएको छ । 

मंगलबार बसेको जिल्ला संकट व्यस्थापन केन्द्र (डीसीएमसी)को बैठकले वैशाख १७ देखि २५ गते साँझ ६ बजेसम्मका लागि लकडाउन गर्ने निर्णय गरेको हो ।

दाङमा कोरोनाका कारण मृत्यु हुनेको संख्या ६४ पुगेको छ । 

यस्तै पर्सामा पनि आगामी बिहीबारदेखि लागू हुने गरी निषेधाज्ञा जारी गरिएको छ ।  मंगलबार बसेको डीसीसीएमसीको बैठकले आगामी बिहीबारदेखि निषेधाज्ञा लगाउने निर्णय गरेको हो । 

पर्सामा ‘वैशाख १६ गते बिहान ४ बजेदेखि वैशाख २२ गते राति १२ बजेसम्म लागू हुने गरी निषेधाज्ञा हुनेछ ।