काठमाडौं– हाल देशमा स्थानीय वायुको तथा पश्चिमी वायुको आंशिक प्रभावका साथै नेपाल भन्दा दक्षिणमा बनेको तल्लो वायुमण्डलीय न्यून चापीय प्रणालीको पनि प्रभाव रहेको छ ।

शुक्रबार दिउँसो प्रदेश १ लगायत अन्य प्रदेशका  पहाडी भू–भागमा आंशिक देखि समान्य बदली रही बाँकी भू–भागमा मौसम सामान्यतया सफा  रहने छ । प्रदेश १ का थोरै स्थान र बाकी प्रदेशका पहाडी भू–भागका एक वा दुइ स्थानमा अपरान्ह पछि मेघगर्जन÷चट्टयाङ्ग÷हावाहुरी÷असिना सहित हल्का वर्षाको सम्भावना रहेको छ । देशका पश्चिमी तथा मध्य पहाडी तथा तराइका केही भूभागहरुमा हल्का तुंवालो समेत लाग्न सक्ने सम्भावना रहेको छ ।

यसैगरी राती देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा  रहने छ । देशका पहाडी भू–भागका एक वा दुइ स्थानमा मेघगर्जन÷चट्टयाङ्ग÷हावाहुरी÷असिना सहित हल्का वर्षाको सम्भावना रहेको छ ।