काठमाडौं - नेपाल स्टक एक्सचेञ्ज (नेप्से) मा यस साता ६ वटा कम्पनीको सेयर सूचिकृत भएको छ । 

नेप्सेका अनुसार यस साता आरएसडिसी लघुवित्त, एनएमबि लघुवित्त, पोखरा फाइनान्स, सहारा विकास बैंक, एनआईसी एशिया लघुवित्त र विजय लघुवित्तको ५८ लाख ६६ हजार भन्दा बढी सेयर नेप्सेमा सूचिकृत भएको हो । 

आरएसडिसी लघुवित्त वित्तीय संस्था लिमिटेडको ९ प्रतिशत बोनस बापतको ६ लाख ४ हजार ३ सय ७० दशमलव ४५ कित्ता सेयर नेप्सेमा सूचिकृत भएको छ ।

एनएमबि लघुवित्त वित्तीय संस्था लिमिटेडको १९ प्रतिशत बोनस बापतको ८ लाख ६१ हजार ८ सय ७३ दशमलव २५ कित्ता सेयर नेप्सेमा सूचिकृत भएको छ ।

त्यस्तै, पोखरा फाइनान्स कम्पनी लिमिटेडको ५ प्रतिशत बोनस बापतको ४ लाख ५८ हजार ६ सय ४० दशमलव ८६ कित्ता सेयर पनि नेप्सेमा सूचिकृत भएको छ ।

सहारा विकास बैंक लिमिटेडको ९ लाख २१ हजार एक सय ४८ दशमलव ७० कित्ता हकप्रद सेयर यसै साता नेप्सेमा सूचिकृत भएको छ ।

एनआईसी एशिया लघुवित्त वित्तीय संस्था लिमिटेड र स्वदेशी लघुवित्त वित्तीय संस्था लिमिटेड एक आपसमा गाभिँदा कायम हुन आएको प्रति सेयर अंकित एक सय रूपैयाँ दरको २५ लाख ९४ हजार ४ सय कित्ता सेयर नेप्सेमा सूचिकृत भएको छ ।

त्यसैगरी, विजय लघुवित्त वित्तीय संस्था लिमिटेडको १९ प्रतिशत बोनस बापतको ४ लाख २५ हजार ६ सय ५९ दशमलव ८५ कित्ता सेयर नेप्सेमा सूचिकृत भएको छ ।