काठमाडौं- नेपालमा पछिल्लो २४ घण्टामा थप ९७ जनामा कोरोना भाइरस संक्रमण पुष्टि भएको छ । योसंगै कुल कोरोना संक्रमितको संख्या २ लाख ७५ हजार ७० पुगेको छ।  

यस्तै, सोही अवधीसम्म थप ६६ जना डिस्चार्ज भएका छन्।  योसहित हालसम्म कोरोना जित्नेको संख्या २ लाख ७१ हजार  ११६ पुगेको स्वास्थ्य मन्त्रालयले जनाएको छ। मन्त्रालयका अनुसार निको हुनेको दर ९८.६ प्रतिशत हो।

पछिल्लो २४ घण्टामा ४४ सय ८४ स्वाब नमूना परीक्षण गराउँदा ९७ जनामा कोरोना संक्रमण देखिएको हो।

देशभर ९४२ सक्रिय संक्रमित रहेका छन्। अहिलेसम्म कोरोनाबाट मृत्यु हुनेको संख्या ३ हजार १२ पुगेको मन्त्रालयले जनाएको छ। बिहीबार कोरोनाबाट कसैको पनि मृत्यु भएको छ।

यस्तै अहिले ५९ जना क्वारेन्टिन र ९४२ जना आइसोलेसनमा रहेको मन्त्रालयले जनाएको छ।