काठमाडौं - आज तीन लघुवित्त वित्तीय संस्थाको संस्थापक शेयरको लिलामी बिक्री बन्द हुँदैछ । 

मेरो माइक्रोफाइनान्स लघुवित्त वित्तीय संस्था लिमिटेड, आरएमडिसी लघुवित्त वित्तीय संस्था लिमिटेड र महुली सामुदायिक लघुवित्त वित्तीय संस्थाको संस्थापक शेयरको लिलामी बिक्री बन्द हुँदै छ । 

एनआईसी एशिया बैंक लिमिटेडले आफ्नो स्वामित्वमा रहेको यी तीन लघुवित्तको लिलामी शेयरमा आजको कार्यालय समयभित्र मात्र आवेदन दिन सकिने छ । 

बैंकले मेरो माइक्रोफाइनान्सको ५ लाख ९८ हजार ५९८ कित्ता, आरएमडिसीको ४ लाख ३६ हजार ३६१ कित्ता र महुली सामुदायिक लघुवित्तको ६१ हजार २०० कित्ता संस्थापक समूहको शेयरहरू लिलाम बढाबढमा माघ १० गतेदेखि बिक्री खुल्ला गरेको थियो ।

लिलामी शेयरको न्यूनतम मूल्य मेरो माइक्रोफाइनान्सको ४६३ रुपैयाँ, आरएमडिसी लघुवित्तको ५२३ रुपैयाँ र महुली सामुदायिक लघुवित्तको ८१२ रुपैयाँ तोकिएको छ । लगानीकर्ताले बोलपत्र पेश गर्दा न्युनतम १०० कित्तादेखि १० ले भाग जाने गरी लिलामीमा आएको अधिकतम कित्तासम्म आवेदन दिन सक्नेछन् ।