यस साता नेपाल लाइफ इन्स्योरेन्स कम्पनीको शेयरमा अत्यधीक कारोबार देखिएको छ । 

कम्पनीले लाभांश प्रस्ताव पारित गर्न साधारण सभा आवहान गरे सँगै कम्पनीको शेयर खरिद गर्नेको चाप बढेको छ । 

आज कारोबार सुरु भएको डेढ घण्टा सम्म आइपुग्दा नेप्सेमा नेपाल लाइफ इन्स्योरेन्सको अत्याधीक कारोबार भएको छ । 

अहिले सम्ममा कम्पनीको २६ करोड ३२ लाख रुपैयाँ बराबरको कारोबार भएको छ । 

आज कम्पनीको शेयर मूल्य २.२७ प्रतिशतले बढेर २ हजार ९०५ रुपैयाँमा कारोबार भइरहेको छ । 

उता, नेपाल लाइफ इन्स्योरेन्स कम्पनीले नेपालमै पहिलोपटक प्रतिशेयर मूल्य घटाउने भएको छ । 

कम्पनीले शेयर खण्डीकरण गरेर शेयर मुल्य ५० रुपैयाँ बनाउन लागेको हो । 

यो नेपाली धितोपत्र बजारमा पहिलो प्रयास हो । हाल कम्पनीको प्रतिशेयर अंकित मूल्य १०० रुपैयाँ रहेको छ । अब कम्पनीले उक्त मूल्यलाइ टुक्राइ शेयरधनीलाइ १ कित्ता बराबर दुइ कित्ता शेयर दिने छ ।  

कम्पनी उक्त प्रस्ताव आगामी माघ २८ गते हुन लागको साधारण सभाबाट पारित गर्नेछ । 

कम्पनीले दोस्रोबजारमा सबै लगानीकर्ताको खरिद पहुँच पुर्याउन शेयर संख्या बढाउन लागेको हो ।