काठमाडौं ।  लुम्बिनी सुगर मिलका सञ्चालक  प्रहरीले मनोज अग्रवाललाई पक्राउ गरेको छ । 

उखु किसानको ९ करोड  बक्यौता नतिर्ने अग्रवाललाई पर्साको वीरगञ्जबाट नियन्त्रणमा लिएको जिल्ला प्रहरी कार्यालय पर्साका डिएसपी मनोजित कुँवरले बताए ।

अग्रवाललाई जिल्ला प्रहरी कार्यालय नवलपरासी पश्चिममा उपस्थित गराईने पनि कुँवरले जानकारी दिए । 

मिल बिरुद्ध बिरुद्ध सुनवलका चारजना उखु किसानले जाहेरी दिएपछि अदालतबाट पक्राउ अनुमति जारी भएको छ । 

यो अबस्थामा उनीसँग केही कुरा बुझ्नुपर्ने भएको हुनाले बीरगञ्जबाट बोलाईएको पश्चिम नवलपरासीका एसपी अजय केसीले बताए । 

मिलले उखु किसानलाई ९ करोड रुपैयाँ तिर्न बाँकी रहेकोमध्ये एक करोड ३६ लाख रुपैयाँ बैंक खातामा जम्मा गरेको छ । 

पारिवारिक विवादका कारण भाउजु सुनिता गोयलको नाममा रहेको खाताको दुई करोड रुपैयाँ रोक्का रहेको अग्रवालले बताउँदै आएका थिए ।