काठमाडौं, नेपाल बैंकले  पुस २९ गते ६१औं वार्षिक साधारण सभा आयोजना गरेको छ । बैंकले  प्रधान कार्यालय धर्मपथ, काठमाडौंमा बिहान ११ बजेबट सभा गर्ने जानकारी गराएको छ । । 

सभाले १२ प्रतिशत बोनस शेयर र ४ प्रतिशत नगद लाभांश वितरण गर्ने प्रस्ताव पारित गर्नेछ । साथै सभाले आव २०७६र७७ को वार्षिक प्रतिवेदन पारित गर्ने र सर्वसाधारण शेयरधनीको तर्फबाट ३ जना सञ्चालकहरुको निर्वाचन गर्ने प्रस्ताव पनि पारित गर्नेछ । 

साधारण सभा प्रयोजनको लागि बैंकको शेयरधनीदर्ता पुस्तिका पुस १६ गते एक दिनका लागि बन्द रहने बताएको छ । बुक क्लोजको आधारमा पुस १५ गतेसम्म कायम शेयरधनीले लाभांश पाउनेछन् । 

कम्पनीको पुस ७ गते बसेको सञ्चालक समितिको बैठकले उक्त निर्णयहरु गरेको हो ।