काठमाडौँ–अख्तियार दुरुपयोग अनुसन्धान आयोगलले तीन करोड रुपियाँभन्दा बढी अवैध सम्पत्ति आर्जन गरेको अभियोगमा शहरी विकास तथा भवन निर्माण विभाग, डिभिजन कार्यालय रूपन्देहीका कार्यालय प्रमुख सुरेश ठाकुरविरुद्ध भ्रष्टाचारको मुद्दा दर्ता गरेको छ । 

ठाकुरले अवैधरूपमा तीन करोड १८ लाख ७३ हजार ७२० रुपियाँ आर्जन गरेको ठहर गर्दै आयोगले आइतबार रकम जफतको मागदावीसहित विशेष अदालत काठमाडौँमा आरोपपत्र दायर गरेको हो । 
प्रमुख ठाकुरले निर्माण व्यवसायीसँग विभिन्न बहानामा रकम माग गर्ने र रकम नदिएको खण्डमा अनावश्यक दुःख दिई आजित बनाएको तथा सार्वजनिक पदमा बहाल रहँदा आर्जन गरेको स्रोत नखुलेको सम्पत्ति सम्बन्धमा आयोगले अनुसन्धान गरेको थियो । आजको गोरखापत्र दैनिकले खबर छापेको छ ।