विश्वभरि  फैलिएको कोरोना भाइरसका  विश्वभर मृत्यु हुनेको संख्या २ लाख नाघेको छ । आजमात्र ३ हजार ३०६ को मृतयु भएको छ ।

विश्वभर यो समाचार तयार पार्न समय मृतकको संख्या २ लाख ४ सय ५ रहेको छ ।

विश्व स्वास्थ्य सङ्गठन र जोन्स हप्किन्स विश्वविद्यालयले सार्वजनिक गरेकोे पछिल्लो विवरणअनुसार संंसारभरि २८ लाख ६७ हजारभन्दा बढी व्यक्ति कोरोना भाइरसबाट सङ्क्रमित भएका छन् । 

सङ्क्रमित व्यक्तिहरुमा ८ लाख १९ हजार ३ सय  १० जना उपचारपछि घर फर्किएका छन्  । १८ लाख ४८ हजार  ६३ व्यक्ति हाल उपचारारत छन् भने ५८ हजार २८१ को अवस्था गम्भीर छ ।

हाल कोरोनाभाइरसका कारण अत्यन्त प्रभावित अमेकिामा ५२ हजार ८४३  जनाको मृत्यु भइसकेको भने ९ लाख २९ हजार भन्दा बढी सङक्रमित छन् । आज मात्र अमेरिकामा साढे ६ सयको मृत्यु भएको छ ।

दोस्रो प्रभावित राष्ट्र इटलीमा हालसम्म २६ हजार ३८४  जनाको मृत्यु भएको छ भने १ लाख ९५ हजार ३१५ जना संक्रमित रहेका छन् । 

स्पेनमा २२ हजार  ९०२ जनाको मृत्यु भएको छ भने २ लाख २३  हजार भन्दा बढी  सङक्रमित रहेका छन् । स्पेनमा मृतकको संख्या इटली तुलनामा कम भएपनि संक्रमितको संख्या इटली तुलना करिब २९ हजारले बढी रहेको छ ।

यस्तै बेलायतमा पनि आज एकैदिनमा ८ सयभन्दा बढी मृतकको संख्या २० हजार ३१९ पुगेको छ । बेलायतमा संक्रमितको संख्या १ लाख ४८ हजार ३७७ रहेको छ ।

जर्मनीमा कोरोनाभाइरसको सङ्क्रमणको कारण ५ हजार ८०५  जना, फ्रान्समा २२ हजार २४५ जना,  नेदरल्यान्ड्समा ४ हजार ४०९ जनाको मृत्यु भइसकेको छ ।