काठमाडौं–राजधानीको नयाँ बानेश्वरबाट हराएकी १५ वर्षीया किशोरी निक्की पराजुली भेटिएकी छिन् ।

गत साउन २८ गते हराएकी निक्की वीरगञ्जबाट फेला परको महानगरीय प्रहरी परिसर काठमाडौंका प्रवक्ता एसपी रामदत्त जोशीले जानकारी दिए । 

भ्याली भ्यू बोर्डिङ स्कुलमा कक्षा १० मा अध्ययनरत निक्की घरबाट निस्केर नफर्केको भन्दै परिवारले महानगरीय प्रहरी वृत्त गौशलालाई दिएको सूचनाका आधारमा काठमाडौं प्रहरीले देशभर पत्राचार गरेर बालिकाको खोजी गरेको थियो ।

मंगलबार वीरगञ्जमा फेला परेकी पराजुलीलाई काठमाडौं ल्याएर परिवारको जिम्मा लगाइएको एसपी जोशीले बताए ।