काठमाडौँ  -देव विकास बैँक लिमिटेडले कर्जा तथा निक्षेपको लागी ब्याजदर सार्वजनिक गरेको छ । आज एक सूचना जारी गर्दै बैँकले  भोली चैत्र १ गते बाट लागू हुने गरी ब्याजदर तोकेको छ ।

नयाँ ब्याजदर अनुसार बैँकले  विभिन्न बचत खाताहरुमा  ६.५ देखी ७ प्रतिशत ब्याजदर घोषणा गरेको छ ।  जसमधये , साधारण बचत मेरो पहिलो बचत खाता जस्ता खातामा ६.५ प्रतिशत र जेष्ठ नागरिक ,बालबालिका बचत खाता, नारी बचत खाता लगायतका खाताहरुमा फाइनान्सले ७ प्रतिशत ब्याज दिने जनाएको छ ।

त्यस्तै ,मुद्दति खाताहरुमा भने ९.५ देखी १० प्रतिशतका दरले ब्याजदर तोकेको छ ।  बैँकले व्यक्तिगत तवरमा ३ महिना सम्मकोे मुद्दति खातामा ९ प्रतिशत, ६ महिना सम्मको मुद्दति खातामा  ९.५ प्रतिशत र १ बर्ष  सम्मको मुद्दति खातामा १० प्रतिशतका दरले फाइनान्सले ब्याजदर निर्धारण गरेको छ । साथै, संस्थागत तवरमा भने  १ बर्ष सम्मको मुद्दति खातामा  १० प्रतिशत ब्याज दिने छ । 

यसबाहेक फाइनान्सले कर्जा दिदा कर्जाको प्रकार अनुसार १६.७  देखी २०.२ प्रतिशत  सम्म ब्याज लिने बताएको छ । हाल बैँककोे  आधारदर ११.२ रहेको छ  । बैँकले त्यसैमा  ४.५देखी ६.५ प्रतिशतसम्म प्रिमियम जोडेर ब्याजदर निर्धारण गरेको हो । 

जसमध्ये , बैँकले आधारदर सहित घर कर्जामा  १८.२ प्रतिशत र गाडि कर्जामा १८.७ देखि १९.७ प्रतिशत सम्म ब्याज लिने जनाएको छ ।