काठमाडौं – नेपालमा सञ्चालित जीवन बीमा कम्पनीहरूले चालु आर्थिक बर्षको दोस्रो त्रैमासमा रू. २ अर्ब ३३ लाख खुद नाफा कमाएका छन् । कम्पनीहरुले हालै सार्वजनिक गरेको दोस्रो त्रैमासको वित्तिय विवरणले यस्तो देखाएको हो । बीमांकीय मुल्यांकन गरेपछि कम्पनीहरुको नाफा थप बढ्ने छ । 
वित्तिय विवरणअनुसार जीवन बीमा कम्पनीहरूको नाफा गत आवको भन्दा ३८ दशमलव ४९ प्रतिशतले बढेको छ । गत आवको दोस्रो त्रैमाससम्ममा जीवन बीमा कम्पनीहरूले रू. १ अर्ब ४४ करोड ८२ लाख खुद नाफा कमाएका थिए । 
हाल नेपालमा १९ जीवन बीमा कम्पनी सञ्चालनमा छन् । त्यसमध्ये सबैभन्दा बढी नाफा नेपाल लाइफ इन्स्योरेन्सले कमाएको छ । उक्त कम्पनीले रू. ३५ करोड ९ लाख १७ हजार खुद नाफा कमाएको छ । यस्तै, दोस्रो स्थानमा रहेको नेशनल लाइफले रू. २३ करोड ५८ लाख ७० हजार नाफा कमाएको छ । 
यसैगरि प्राइम लाइफले रू. १५ करोड ६०, सुर्या लाइफले रू. १५ करोड १९ लाख खुद नाफा कमाएको छ । यसैगरि २ बर्ष अघि सञ्चालनमा आएको रिलायवल नेपाल लाइफ नाफा कमाउनेमा पाचौं नम्बरमा छ । उक्त कम्पनीले रू. १३ करोड २५ लाख खुद नाफा कमाएको छ ।
सरकारी स्वामित्वको राष्ट्रिय बीमा संस्थान भने नाफा कमाउनेमा अन्तिम नम्बरमा छ । उक्त कम्पनीले यस अवधीमा रू. ३ करोड ५३ लाख ४६ हजार खुद नाफा कमाएको छ ।

दोस्रो त्रैमासमा कुन कम्पनीको कति नाफा (रू. हजार)