यस साता धितोपत्र बजारमा शेयर कारोवार मापक नेप्से परिसूचक केही अकंले उकालो लागेको छ ।

अघिल्लो साता दाहोरो अकंले ओरालो लागेको नेप्से यो साता भने ८.३१ ले उकालो लागेको छ ।

साताको पहिलो दिन आईतबार १३२५.५८ को बिन्दुबाट सुरु भएको शेयर कारोबार विहिबार सम्म आउदाँ १३३३.६९ बिन्दुमा पुगेर बन्द भएको छ  ।

नेप्से परिसूचक उकालो लागे पनि  यस साता कारोबार रकम भने आरालो  लागेको छ । 

अघिल्लो साता  ८ अर्ब ५४ करोड बराबरको कारोबार भएकोमा यस साता भने ७ अर्ब ३९ करोड बराबरको कारोबार भएको छ ।

नेप्सेका अनुसार यस साता १८३ कम्पनीको २ करोड ११ लाख कित्ता शेयर खरिद बिक्री भएको थियो ।

त्यस्तै यस साता औसतमा १ अर्ब ४७ करोड बराबरको कारोबार भएको छ ।