आज शेयर कारोवार मापक नेप्से परिसूचक दोहोरो अंकले बढे्को छ । 

साताको सुरुवात कै दिनबाट दोहोरो अंकले उकालो लागेको नेप्से आज साताको अन्तिम कारोबारका दिन पनि दोहोरो अंकले बढे्को हो ।

नेपाल स्टक एक्सचेञ्जका अनुसार आज नेप्से २६ अंकले बढे्को हो । त्यस्तै, सेन्सेटिभ परिसूचक पनि ३.९० अंकले उकालो लागेको छ ।

कारोबारको सुरुवातबाटै उकालो लागेको नेप्से ८ महिना पछि आज १३०० को बिन्दुमा पुगेको छ ।

आज १२८४.२३ को बिन्दुबाट शुरु भएको कारोबार अन्तिम समय सम्म आउदाँ १३१०.२३ बिन्दुमा पुगेको छ ।  

आज ११ बजे १२८४.२३ बिन्दुबाट शेयर कारोबार शुरु भएको थियो भने   ३ बजे सम्म आउँदा त्यो परीसुचक २.०२ प्रतिशतले बढेको छ। 

त्यस्तै, आज कारोबारमा आएका १८१ कम्पनीका ५० लाख २५ हजार शेयर खरिद बिक्री हुदाँँ  १ अर्ब ६९ करोड  बराबरको कारोबार भएको छ ।

त्यस्तै, नेप्सेका अनुसार आज कारोवार भएका कूल १२ उपसमूहमा ११ उपसमूहहरु उकालो लागेका छन् भने १ उपसमूह ओरालो लागेको छ।