गैर कानूनी रुपमा काठ कटान गरेर बिक्रि गर्ने जिल्ला बन अधिकृत सहित १३ जना विरुद्ध अख्तियार दुरुपयोग अनुसन्धान आयोगले विशेष अदालतमा मुद्धा दायर गरेको छ । 
 
गैर–कानूनीरुपमा काठ कटान गरी सार्वजनिक सम्पत्ति हानिनोक्सानी गरेको भन्दै अख्तियारले जिल्ला वन कार्यालय मकवानपुरका तत्कालीन जिल्ला वन अधिकृत राजेन्द्र न्यौपानेसहित १३ जनाविरुद्ध मुद्धा दायर गरेको हो । 

सेतीदेवी सामुदायिक वनमा रहेका ९ हजार १ सय ७८ दशमलव ०९ क्यूफिट हरिया साल तथा अस्ना जातका रुखहरुको काटेर बिक्री गरेको प्रमाण फेला परेको अख्तियारको ठहर छ । 

तत्कालीन गढी ईलाका वन कार्यालय, मकवानपुर, सेक्टर वन कार्यालय मकवानपुर, जिल्ला वन कार्यालय मकवानपुर, क्षेत्रीय वन निर्देशनालय हेटौडासमेतका कर्मचारीहरु र सेतीदेवी सामुदायिक वन उपभोक्ता समुहका पदाधिकारीहरु मिलेमतोमा स्वीकृत कार्ययोजना तथा निर्णय विपरीत रुख कटान भएको अख्तियारको आरोप छ । 

उनीहरु भ्रष्टाचार निवारण ऐन, २०५९ बमोजिम भ्रष्टाचारजन्य कसुरमा संलग्न भएको पाइएकोले  बिगो रु. १ करोड ५२ लाख १९ हजार ३ सय २६ रुपैयाँ ७६ पैसा विगो कायम गरी विगो असुलउपर र कार्वाहीको माग गरिएको छ ।