आज मंगलबार पुन: नेपाल स्टक एक्सचेन्ज दोहोरो अंकले बढे्को छ । 

यस साताको पहिलो कारोबारको दिन बाटै दोहोरो अंकले बृद्धि भएको परिसूचकले आज तेस्रो दिन पनि बढ्ने क्रमलाई निरन्तरता दिएको छ ।

आज कारोबार सुरु भएको केही समय मै उकालो यात्रा तय गरेको नेप्से परिसूचक अन्तिम समय सम्म आईपुग्दा १६.२३ अंकले बढे्को छ ।

यस्तै सेन्सेटिभ परिसूचक ४.१३ अङ्कले बढेर २६४.८१ को बिन्दुमा पुगेको छ । 

आज १२००.६६  को बिन्दुबाट शुरु भएको कारोबार अन्तिम अवधीमा १२१६.९२ बिन्दुमा पुगेर बन्द भएको हो ।

आज ११ बजे  १२००.६६   बिन्दुबाट शेयर कारोबार शुरु गरेको थियो भने ३ बजे सम्म आउँदा त्यो परीसुचक १.३५  प्रतिशतले बढेको छ। 

त्यस्तै आज कारोबारका लागी आएका १७९ कम्पनीका ३८ लाख ८० हजार ९ सय ५० कित्त शेयर किनबेच हुदाँ १ अर्ब १० करोड २७ लाख बराबरको कारोबार भएको छ ।

त्यस्तै आज कारोबार भएको कुल १२ उपसमूहमध्ये होटल र उत्पादनमात्र ओरालो लागेका छन् भने बाँकी १० उपसमूह बढे्का छन् ।