आज बिहीवार  नेपाल स्टक एक्सचेन्ज नेप्से कारोबार ०.६२  अंकले घटेको छ।

आज ११६८.०३ विन्दुबाट शुरु भएको कारोबार अन्तिम समय सम्म आउदाँ ०.६२ अंकले घटेर  ११६७.४१ विन्दुमा पुगेको हो ।

कारोबार सुरु भएको केहि समय बाटै उकालो लागेको नेप्से परीसुचक कारोवारको अन्तिम अवस्थामा ओरालो लाग्दै १ अंकको हाराहारीमा घटेर बन्द भएको छ।  

त्यस्तै आज क वर्गको मापन गर्ने सेन्सेटिभ इन्डेक्स पनि ०.३५ अंकले घटेको छ । 

आज १७२ कम्पनीको १६ लाख ४१ हजार २ सय ११  कित्ता सेयर किनबेच हुदाँ ५८ करोड ८६ लाख ७७ हजार ८८७ बराबरको कारोबार भएको थियो । 

आज परिसुचक घटेपनि कारोबार रकम भने हिजोको तुलनामा बढेको छ।  हिजो नेप्से परिसुचक १ अंकको हाराहारीमा बढ्दा  ५३   करोड बराबरको कारोबार भएको थियो भने आज  परिसुचक घट्दा पनि ५८ करोड बराबरको कारोबार  भएको छ । 

त्यस्तै, आज नेप्से घटे सँगै कारोबारमा आएका धेरै समुहको सुचक पनि आरालो लागेको छ। आज कारोबारमा आएका १२ समुह मध्येका  बैकिंङ,जीवन बिमा,विकास बैकं र व्यापार बाहेकका आठ समुहका सुचक घटेको छ।