वैदेशिक रोजगार विभागका  महानिर्दैशक  भिष्म कुमार भुसालले  श्रमिकको पासपोर्ट जफत गर्ने म्यानपावर कम्पनीको व्यवसाय रोकिने बताएका छन।

उनले म्यानपावर कम्पनीले श्रमिकसँग  पैशा माग्ने र नदिएमा पासपोर्ट नै नदिने र दुख दिने प्रवृती बढेको भन्दै त्यस्ता कम्पनीलाई कानुनी दायरामा ल्याउने चेतावनी दिए । 

सुरक्षित आप्रवासका लागि राष्ट्रिय  सञ्जालले वैदेशिक रोजगार विभाग तथा बोर्डको कार्य सञ्चालन प्रभावकारीता सम्वन्धी  कार्यक्रमा महानिदर्शेक भुसालले पछिल्लो समय म्यानपावर कम्पनीमा  देखिएको कुप्रवृती हटाउन आफु लागि परेको बताए ।

वैदेशिक रोजगार सुधार गर्न विभाग एक्लैले नसक्ने भन्दै भुसालले सुधारका लागि सराेकारवालाहरू पनि जिम्मेवार बन्नुपर्नेमा भुसालले जोड दिए ।

'यो निक्कै ठूलो समस्या रहेको छ, समस्यामा परेका व्यक्तिहरुले विभागमा जानकारी गराएमा उनीहरुलाई सहयोग गर्न विभाग तयार छ', उनले भने  .

उनका अनुसार विभागले पछिल्लो तीन महिनामै ३७ वटा म्यानपावरमा अनुगमन गरेको  छ ।