नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’की पत्नी सिता दाहाललाई उपचारका लागि योगगुरु रामदेवको योगपिठमा लगिएको छ । 

उनलाई भारतको हरिद्वारस्थित पतन्जली योगपीठमा उपचारका लागि लगिएको उनकी छोरी गंगा दाहालले बताएकी छन् । 

छाेरी गंगाका अनुसार पतञ्जली योगपिठका बाबा रामदेव र आचार्य बालकृष्णले सीताको उपचार गर्नेछन् । 

पूर्वमन्त्री एवं नेकपा स्थायी समिति सदस्य मातृका यादव पनि उनीहरूसँगै हरिद्वार पुगेका छन् ।

प्रचण्ड पत्नी सीता लामो समयदेखि बिरामी छन् ।

दाहाललाई उपचारका लागि यसअघि अमेरिका, सिंगापुर र भारत लगायतका विभिन्न अस्पत्तालमा लगिएको थियो । 

त्यस्तै नेपालकै म्याग्दीस्थित ताताेपानी कुण्डमा पनि उपचारकै लागि लगिएकाे थियाे । 

तर पनि पूर्ण निको नभएपछि उनलाई आयुर्वेदिक उपचारका लागि हरिद्वार लगिएको हो ।