काठमाडौं–सरकारले अपेक्षाअनुसार काम गर्न नसकेको भन्दै जनस्तरबाट आलोचना भइरहँदा प्रधानमन्त्री केपी शर्मा ओली मन्त्रीहरूको कार्यक्षमता र शैलीप्रति असन्तुष्ट बनेका छन् । सरकारविरुद्ध प्रतिपक्षी दलले सडक र सदन तताएपछि प्रधानमन्त्री तथा मन्त्रिपरिषद्को कार्यालयले मन्त्रीहरूको कार्यक्षमता मूल्यांकन गर्न थालेको हो । मूल्यांकन राम्रो नआए मन्त्रिपरिषद् सदस्यहरूको जिम्मेवारी हेरफेर गर्ने मनस्थितिमा प्रधानमन्त्री पुगेको उनको सचिवालयका एक सदस्यले बताए । आजको नयाँ पत्रिका दैनिकमा खबर छापिएको छ  ।
समाचारमा भौतिक पूर्वाधार तथा यातायातमन्त्री रघुवीर महासेठ स्थानीय विकास तथा सामान्य प्रशासनमन्त्री लालबाबु पण्डित  प्रधानमन्त्रीको रेड जोनमा परेका छन् ।