काठमाडौं– प्राध्यापक डाक्टर गोविन्द केसी र सरकारबीच ९  बुँदे सहमति भएको छ ।  सहमतिपत्रमा सरकारको तर्फबाट सरकारी वार्ता टोलीका संयोजक खगराज बराल र केसी स्वयम्ले हस्ताक्षर गरेका छन् । सहमतिपत्रमा हस्ताक्षरपछि केसीले केदारभक्त माथेमा र नेकपाका नेता सुवासचन्द्र नेम्वाङले अनसन तोडाए । 
केसी र सरकारबीच १० वर्षसम्म काठमाडौंमा नयाँ मेडिकल कलेज नखोल्ने,  अध्यादेशअनुसार नै  चिकित्साशास्त्र विधेयक ल्याउने लगायतका महत्वपूर्ण बुँदामा सहमति भएका छन् । 

केसीको मागका सम्बन्धमा सरकार र केसी पक्षीय वार्ता टोलीबीच प्रधानमन्त्री निवास  बालुवाटारमा सहमति जुटेको थियो ।