नबिल बैंकले तीन महिनामा  १ अर्ब १२ करोड ३५ लाख ८७ हजार रुपैयाँ खुद नाफा कमाएको छ । 

चालु आर्थिक वर्षको पहिलो त्रैमासम्म बैंकले कमाएको नाफा  गत वर्षको मा भन्दा ६.७५ प्रतिशत ले बढी हो । 

गत वर्ष यसैअवधिमा बैंकले १ अर्ब ५ करोड २४ लाख ६६ हजार रुपैयाँ खुद नाफा कमाएको थियो । 

बैंकको वितरण योग्य नाफा ७४ करोड २२ लाख ६३ हजार रुपैयाँ रहेको छ । 

तर बैंकको चुक्ता पुँजी अनुसार नाफा बढ्न नसक्दा प्रतिसेयर आम्दानी भने घटेको छ ।

असोज मसान्तसम्म चुक्ता पुँजी १२.०४ प्रतिशतले बढाएको बैंकको प्रतिसेयर आम्दानी अहिले ४८ रुपैयाँ ९३ पैसा रहेको छ । 

पहिलाको तुलनामा प्रतिसेयर आम्दानी २ रुपैयाँ ४३ पैसाले घटेको हो ।