नेपाल बैंकको प्रमुख कार्यकारी अधिकृत (सिईओ) मा कृष्णबहादुर अधिकारी नियुक्त भएका छन्। 

६ महिनादेखि बैंकको कामु सिईओको रुपमा रहेका अधिकारीलाई शनिबार बसेको बैंक सञ्चालक समिति बैठकले ४ बर्षका लागि प्रमुख कार्यकारी नियुक्त गरेको हो।

२०६१ देखि सहायक छैठौं तहको प्रबन्धकबाट नेपाल बैंकमा जागिर शुरु गरेका अधिकारी १३ जना प्रतिस्पर्धिहरुलाई पछि पार्दै सिईओ भएका हुन् । 

अधिकारीले त्रिभुवन विश्वविद्यालयबाट एमबिए र पूर्वाञ्चल विश्वविद्यालयबाट इएमबिए पास गरेका थिए । 
नेपाल बैंकमा सिइओको मासिक तलब ३ लाख रुपैयाँ हुन्छ।

बैंकको सिइओका लागि १४ जनाले आवेदन दिएपनि ४ जना अन्तिम छनौटमा परेका थिए।
 
त्यसमध्ये पुष्पराज भण्डारी, शेषरमण आचार्य र शंकरकुमार रायमाझीलाई पछाडी पार्दै अधिकारीले बाजी मारे । 

अन्तिमसम्म भण्डारीको सम्भावना भएपनि बैंक अफ काठमाडाैंको ऋण मुद्दामा परेका थिए ।