महिला बालबालिका तथा जेष्ठ नागरिक मन्त्री थममाया थापाले समाजलाई व्यवसायी बनाउन महिलाहरुलाई उद्यमशिल बन्न आग्रह गरेकी छन् ।   

एक जना महिला उद्यमी भएमा  सिंगो समाजलाई नै व्यवसायी बनाउन भुमिका खेल्ने भएकोले महिलालाई उद्यमशिल बन्न आग्रह गरेकी हुन् ।  

महिला बालबालिका तथा जेष्ठ नागरिक मन्त्रालयले प्रदेश नम्बर ३ का १३ जिल्लाका लागि आयोजना गरेको महिला उद्यमशिलता विकास तथा वित्तिय पहुँच सम्बन्धी तालिमको उद्घाटन गर्दे मन्त्री थापाले यस्तो आग्रह गरेकी हुन् । 

मेहनतका साथ लाग्यो भने सफल हुन सकिन्छ भन्ने उदाहरण हजुरी बिष्टले दिएको समेत उनले बताइन् । 

“एकैपटक ठुलो व्यवसाय गर्नुपर्छ भन्ने मान्यतालाई त्यागेर सानो व्यवसाय शुरु गरेपनि व्यवसायिक सफलता हासिल गर्न सकिन्छ”, मन्त्री थापाले भनिन् ।  

उनले महिला उद्यमशिलतालाई प्रर्वद्धन गर्ने, विकास गर्नका लागि महिला बालबालिका तथा जेष्ठ नागरिक मन्त्रालयले महिलाहरुलाई उद्यमशिल बनाउने, पूर्ण रुपमा व्यवसायिक बनाउने खालका तालिमहरु सञ्चालन गरिरहेको बताइन् ।