पाल्पाको दोभानमा २ वटा सवारीसाधन पहिरोले पुर्दा १ जनाको मृत्यु भएको छ । 

सिद्धार्थ राजमार्ग अन्तर्गत तिनाउ गाउँपालिका २, दोभान नागथान नजिकै माथिबाट खसेको पहिरोले दुईवटा सवारीसाधन पुर्दा अन्य ६ जना घाइते भएका छन् । 

पाल्पाबाट बुटवल हिडेको लु २ च ५९३८ स्कारपियो र बुटवलबाट गुल्मीतर्फ जाँदै गरेको लु १ ज २६१७ नम्बरको जिप पुरिँदा जिप चालक कमल परियारको मृत्यु भएको प्रहरीले जनाएको छ । 

घाइतेहरुलाई उपचारका लागि लुम्बिनी अस्पताल  बुटवलतर्फ लगिएको छ ।

पहिरोले अवरुद्ध सिद्धार्थ राजमार्ग सवारी संचालनका लागि प्रयास थालिएको दोभान प्रहरी चौकीले जनाएको छ ।

विस्तृत विवरण भने आउन बााकी छ ।