नेकपाकी सांसद नविना लामाले अर्थमन्त्रीले समानुपातिक सांसदलाई  विभेद गरेको गुनासो गरेकी छन् । 

प्रतिनिधिसभाको आजको बैठकमा शून्य समयमा बोल्दै सांसद लामाले   निर्वाचन क्षेत्र पुर्वाधार विकास कार्यक्रमका लागि दिइने रकममा विभेद भएको गुनसो गरेकी हुन् । 

 प्रत्यक्ष निर्वाचित र समानुपातिक प्रणालीबाट निर्वाचित सांसदहरुबीचमै विभेद रहेको उनको भनाई छ । 

“अर्थमत्रीलेनै समानुपातिक र प्रत्यक्ष निर्वाचित सांसदबीच विभेद गर्नुभयो, विभेदको निरन्तरता अब कार्यविधीमा पनि यस्तै आउछ कि?”, सांसद लामाले भनिन् “नीति निर्माण तहमै विभेद भयो भने जनतामा कस्तो सन्देश जान्छ ? बिचार गरियोस् ।”