ह्याकरले एटीएमबाट पैसा लुटेपनि व्यक्तिका खाताको पैसा सुरक्षित रहेको नेपाल राष्ट्रबैंकले जनाएको छ । 

ह्याक गरेर लुटेको पैसा कुनै पनि ब्यक्तिको खाताको नभएको राष्ट्र बैंकका भुक्तानी तथा फर्छ्यौंट विभागका कार्यकारी निर्देशक बमबहादुर क्षेत्रीले बताए । 

उनका अनुसार व्यक्तिको खातामा नपुग्दै ह्याकरले प्रणालीबाट एकोहोर पैसा झिकेको फेला परेको छ । 

बैंकहरुबाट कति पैसा झिकियो भन्ने कुरा पछि थाहा हुने पनि क्षेत्रीले बताए । 

वास्तविकता पत्ता लगाउन र थप अनुसन्धानका लागि राष्ट्र बैंकले केहीबेरमा प्रहरीसँग  थप छलफल गर्ने भएको छ। यसअघि राष्ट्र बैंकले बैंकर र प्रणाली सञ्चालकहरुसँग छलफल गरेको थियो।