नयाँ दिल्ली –  भारतीय प्रधानमन्त्री नरेन्द्र मोदीले लोकसभा निर्वाचनको लागि उम्मेदवारी दिएका छन् । 

लोकसभा निर्वाचन २०१९ अन्तर्गत भारतीय प्रधानमन्त्री मोदीले आज वाराणसीबाट लोकसभा सिटका लागि उम्मेदवारी दर्ता गरेका हुन् ।  

वाराणसी क्षेत्रको चुनावमा भाजपा, जनता दल युनाइटेड, शिवसेना, लोकजनशक्ति पार्टीबीच गठबन्धन भएको छ । मोदीले यसअघि वाराणसीबाटै चुनाव जितेका थिए ।

उम्मेदवारी दर्ता गर्ने क्रममा जनता दल युनाइटेडका अध्यक्ष नीतीश कुमार, शिवसेना प्रमुख उद्धव ठाकरे, लोकजनशक्ति पार्टी के अध्यक्ष रामविलास पासवान र वरिष्ठ अकाली नेता प्रकाश सिंह बादलसमेत एनडिएका नेताकार्यकर्ता चुनाव आयोगको कार्यलयमा उपस्थित भएका थिए ।