काठमाडौं–नेकपा एमाले सम्बद्ध युवा संघले ६ दिनको रस्साकस्सीपछि नयाँ नेतृत्व चयन गरेको छ । संगठनको जारी केन्द्रीय समिति बैठकबाट अध्यक्षमा रमेश पौडेल सर्वसममत चयन भएका छन् भने  महासचिवमा नरेश शाही चयन भएका छन् । 

अध्यक्ष राजीव पहारीले मंगलबार राजीनामा दिएपछि नयाँ नेतृत्व चयनको ढोका खुलेको थियो । पहारी प्रदेश नं ४मा प्रदेश सदस्यमा निर्वाचित भएपछि राजीनामा दिएका हुन् । नवनिर्वाचित अध्यक्ष पौडेल  यसअघि उपाध्यक्ष थिए  भने शाही सचिव थिए । 

उपाध्यक्षमा ७ जना चय भएका छन् जसमा  किरण  पौडेल, हस्त शाही, क्रान्ति बुर्लाकोटी, पर्शुराम बस्नेत, गोविन्द थापा, चन्द्र लामा र प्रभात कटुवाल रहेका छन् । 
यस्तै १३ जना सचिव चयन भएका छन्  । जसमा बच्चन सिंह र माधव बास्तोला दीपक जिएम, अन्जना अधिकारी, उर्मिला सुनुवार, राजु कार्की, पूर्ण लामा, सुरेन्द्रमान कार्की, धु्रब यादव, क्षितिज थेवे, राजेश शाह, सन्तोष रावल र हिमाल लिम्बु रहेका छन् ।

यस्तै कोषाध्यक्षमा अमित लामा चुनिएका छन् भने अनुशासन आयोगको अध्यक्षमा गजेन्द्र शाही, लेखा आयोगको अध्यक्षमा दामोदर दंगाल र केन्द्रीय कार्यलय विभाग प्रमुखमा सुमन पुरी चयन भएका छन् । 

यसैबीच राजीव पहारीको नेतृत्वकी उपाध्यक्ष दिलु पन्तको बिदाइ गरिएको छ ।  त्यस्तै आशोक चन्द र हिदम लामापनि युवासंघबाट बिदा भएका छन् । 
चन्द कन्चनपुरको बेदकोट नगरपालिकाको मेयर भएकाले बिदा गरिएको हो । त्यस्तै लामापनि  मकवानपुरको भिमफेदी गाउँपालिका अध्यक्ष भएकाले युवा संघबाट विदा भएका हुन् ।